Kongo Respublikasında yarı köçəri tayfa olan - piqmeylər üçün - radiostansiya yaradılır.
Radiostansiyanı quran Danimarkada taxta tədarüküylə məşqul olan CİB şirkətidir.

Bu layihənin məqsədi icma daxili əlaqələri yaxşılaşdırmaqdır.

Sözü gedən radiostansiya Konqonun Kamerunla sərhədi yaxınlığındakı, uzaq-ucqar Pokola məntəqəsində yerləşəcək.

Bu ərazidə tropik meşələr yerləşir və sahəsinə görə, İsveşrə kimi bir ölkənin üçdə birinə bərabədir.

Həmin meşələrdə 10 minə qədər yarı-köçəri pigmey icması yaşayır.

Tarixdə ilk dəfə olaraq piqmeylər biri biriylə radio əlaqəsi qura biləcəklər.

Bu onlar üçün çox vacibdir, çünki onların bir qismi 4-5 ay ərzində meşələrə ov aparmağa çıxır.

Pokola məntəqəsində baza səciyyəsi daşıyan əsas studiya fəaliyyət göstərəcək.

Radiostansiyanın jurnalistləri isə meşələrə çıxaraq 2 ay müddəti ərzində məlumat, səslər toplayacaqlar, və sonra baza stansiyasına qayıdıb - verilişlər tərtibləyiəcəklər.

Pokoloda kı baza radiostansiyası ilə yanaşı - meşələrdə studiyalar yaradılacaq.

Pokolanın kənarında yerləşən Symbolanın Mbendjele Pygmy kəndində sakinlər artıq radioqəbulediçiləri sınaqdan da keşiriblər.

Yaxın zamanlara da buradakı piqmeylərə 1000-lə radioqəbuledici paylanacaq.

Kənd sakini Obi Paul jurnalist olacaq. Onun təbirincə, bu layihənin icma üçün böyük əhəmiyyəti olacaq.

"Çünki hamı icmadakı hadisələrdən xəbərdar olacaq, ərazidə nə baş verdiyini biləcək".