Onlar tərəf müqabili olmadan da nəsil artırmaq xüsusiyyətinə malikdirlər.

    Bu, dünyanın qızıl qaydalarından biridir: quşlar ağacda yaşayır, balıqlar suda. Amma alimlər ilin bir neçə ayını sudan kənarda, ağac içərisində yaşayan balıq növünü aşkarlayıblar.

    Çürümüş gövdə və budaqların içərisində gizlənən balıq - Rivulus marmoratus Poey- müvəqqəti olaraq öz bioloji qruluşunu dəyişmək və hava ilə nəfəs alamaq qabiliyyətinə malikdir.

    Uzunluğu iki düyüm həcmində olan bu balıq adətən çirkli sularda, yengəclərin batmış yuvalarında və Karib hövzəsində, Latın Amerikası və Floridanın manqrov bataqlıqlarında yaşayır.

    Bioloqlar da bu yeniliyə Beliza və Florida bataqlıqlarında rast gəliblər. Onlar çürümüş budaqlar və ağac gövdələrində gizlənmiş yüzlərlə balıq aşkarlayıblar.

    Eyni zamanda bu balıq yeganə onurğalı canlıdır ki, onlar tərəf müqabili olmadan da nəsil artırmaq xüsusiyyətinə və həm kişi, həm də qadın cinsiyət üzvünə malikdirlər.

    Buna baxmayaraq, Rivulus marmoratus Poey havada nəfəs alan yeganə balıq deyil. Həmçinin Klariva naqqası da hvada və suda nəfəs almaq üçün qəlsəməyə malikdir.

Mənbə: /ANS PRESS/