Amerikanın nəhəng ərzaq istehsalçısı General Mills supermarketlərdən öz istehsalı olan 414 min dondurulmuş pitsanın geri çağırılmasını istəyib. Şirkət pitsaların E.coli bakteriyası ilə yoluxmasından narahatdır.
Adı çəkilən şirkətin Totinos və Jenos adlı dondurulmuş pitsalarındakı peperoni kolbasalarının üzərində bakteriyaların olduğu güman edilir.

General Mills deyir ki, iyulun 20-dən bu yana 10 ştatda 21 E.coli bakteriyası ilə əlaqələndirilən xəstəlik halları baş verib.

E.coli 0157 ştamı ciddi xəstəliyə səbəb ola bilər. Buraya mədə ağrıları, qarnın açılması, ürəkbulanma və qızdırma daxildir.

Adətən xəstəlik yoluxmuş yemək və içki ilə yayılır.