Sabah (18 noyabr) Hollandiyada Xocalı faciəsində həlak olanların xatirəsini əbədiləşdirən abidənin açılıış mərasimi keçiriləcək. Tədbirdə Dünya Azərbaycanlıları Komitəsinin nümayndələri də çıxış edəcəklər. Dövlət səviyyəsində həyata keçirilən tədbirdə Azərbaycan mədəniyyətini bəstəkar-müğənni Elza Seyidcahan təmsil edəcək. Bu haqda məlumatı mənə müğənin prodüsseri Mehriban Bəylər verib. Onunu sözlərinə görə, dünən gecə bu məqsədlə Hollandiyaya yola düşən müğənni-bəstəkar bunun üçün xüsusi hazırlıq da görüb. «Elza xanım Hollandiyaya Xocalı faciəsini əks etdirən şəkillər, məlumatlar və video-lent yazıları da aparıb. O, Azərbaycan həqiqələrini Hollandiyada geniş yaymaq niyyətindədir. Tədbirdən dərhal sonra isə Elza xanım Almaniyaya yola düşəcək. Çünki onun noyabrın 20-də Köln şəhərində yaradıcılıq gecəsi keçiriləcək». M.Bəylərin sözlərinə görə, Hollandiyadakı tədbirin təşkilatçıları İqdır türkləridir.