Bazar ertəsi İngiltərənin cənub-qərbində iki şəxs nigah bağlayacaq. Hə nolsun - deməkdə haqlı ola bilərdiniz. Amma bu nigah Ginnesin Rekordlar kitabına düşəcək. Çünki gəlinin səksən beş, bəyin isə 93 yaşı var.
Ceym Meyson Peggi Klarka bir könüldən min könülə aşiq olmasını belə təsvir edir:

"Mən onun gözlərinə baxdım və dedim - axtardığım bu idi. Tanışlığımızın 3-cü günü onu restorana apardım və dedim ki, səni almaq istəyirəm. Nə edəydim? Vaxtım gün-gündən azalır axı! Mən dəqiq bilirəm ki, Peggi dünyada ən gözəl, ən mehriban və ən səmimi insandır. Mənin gözümdə dünyada ondan gözəl məxluq yoxdur. "

Elə toy günü Peggi xanımın 85 yaşı tamam olur. O da Ceyms üçün sinov getdiyini gizlətmir.

"Ondan dünyada bir dənədir. Mən kiçik bir toy istəyirdim, mən, o və iki şahid. Bizim yaşda hay-küy nəyə lazımdır? Amma nigah qeydiyyatı idarəsinə gedib, niyyətimizi xəbər verəndə, kimsə hamıya xəbər verdi. İndi şəhərdə həngamədir. Toyda şəhər merindən tutmuş, tanımadığımız 100-lərlə adam iştirak edəcək. Qəzet müxbirlərinin, fotoqraflarının sayı yəqin ki qonaqlardan çox olacaq. Məni də ağ gəlin paltarı geyməyə razı salıblar. Ceymz mənə deyir ki, sən gərək toyda şahzadə qız kimi görünəsən."