Hollivud ulduzu Mel Gibson qondarma erməni soyqırımı iddialarına dair ermənilərin çəkdirmək istədikləri bir filmdə rol almaqdan imtina edib. Buna səbəb aktyorun bu təşəbbüsünə edilən etirazlardır.

Xatırladaq ki, Hollivud ulduzu Mel Gibson qondarma erməni soyqırımı iddialarına dair ermənilərin çəkdirmək istədikləri bir filmdə rol almaq istədirdi. "Musa Dağında 40 Gün" adlı filmin Gibsonun da şəriki olduğu "Aykon Prodakşn" tərəfindən çəkilməsi planlaşdırılırdı. Ancaq Türkiyə və Azərbaycandan göndərlən etiraz məktubları aktyoru bu təşəbbüsdən vaz keçirib. Mel Gibsona minlərlə belə məktubun göndərildiyi bildirilir.

Qeyd edək ki, Mel Gibsonun rol almaq istədiyi Musa Dağında 40 gün adlı filmdə daha əvvəl də başqa bir Hollivud Ulduzu Silvester Stalone iştirak etmək istəyirdi. Ancaq Staloneyə göndərilən ən az 3 min civarında etiraz məktubu onu bu fikrindən daşındırmışdı.