Kor xəstə yeniden görməyə başlayıb.
Bu qəribə hadisə İrlandiyada baş verib. 2 il əvvəl bir fabrikdə kimyəvi maddənin partlaması ucbatından kor olan adam indi oğlunun dişi sayəsində yenidən görməyə başlayıb. 57 yaşlı Bob MakNikol deyir ki, görmə qabiliyyətini 2005-ci ildə fabrikdəki partlayış zamanı itirib: “Belə düşünürdüm ki, yəqin ömrümün qalanını kor olaraq keçirəcəyəm. Həkimlər də deyirdilər ki, heç nə ilə kömək edə bilməzlər”. Lakin bir gün Bob İtaliyada aparılan möcüzəli əməliyyat haqqında eşidir. Belə ki, buradakı göz xəstəxanasında həkimlər insanın dişinin bir hissəsini gözün içinə yerləşdirib onda oyuq açırlar. Sonradan da həmin oyuğa linza yerləşdirib insanın görmə qabiliyyətini bərpa edirlər. Bundan xəbər tutan MakNikol dərhal İtaliyaya üz tutub. Onun əməliyyatı üçün xammalı isə 23 yaşlı oğlu Robert verib. Məhz Robertin dişi sayəsində indi Bob görmə qabiliyyətini 65 faizədək bərpa edib: “İndi hərəkət edə biləcək qədər görə bilirəm, hətta televiziyanı da izləyirəm”.


Mənbə: Gün səhər