Sibirdə yerləşən həbsxanalardan birinin qadın məhbusları gözəllik müsabiqəsində iştirak edirlər. Yarış qadınlara yaxşı davranış nümayiş etdirməklə, azadlığa daha tez çıxmaq şansı verir.

26 yaşlı Natalya Xapova deyir ki, qadın həmişə və hər yerdə öz gözəlliyini saxlamalıdır.

"Hətta məhbəsdə də. Qadın incəlik və eleqantlıq deməkdir. Hər halda belə olmalıdır."

Novosibirskdən 30 kilometr aralıda yerləşən bu qadın cəzaçəkmə institutunda hər il keçirilən Miss Bahar müsabiqəsini, məhbus qızlar səbrsizliklə gözləyirlər.

Həbsxananın müdiri Natalya Bayulina deyir:

"Biz məhbusların boş vaxtını məşğul etmək yolu tapmaq istəyirdik. İlk dəfə mən bu ideyanı təklif edəndə,qızlar qulaqlarına inanmadılar. "


Bayulina.
Bu ideyanı ilk dəfə Natalya Bayulina ortaya atmışdı.


Müsabiqə 3 kateqoriya üzrə keçirilir - "Yunan İlahəsi", "Çiçəkli Paltar" və "Fantaziya Məhbus Formaları". Sonuncuda məhbuslara gələcək üçün ideal həbs geyimi yaratmaq təklif olunur.

1990-cı ildə ilk dəfə belə müsabiqə keçiriləndə, Rusiya ağır iqtisadi şəraitdə idi. Qalib əyninə həbsxana mətbəxində əldə etdiyi plastik kulyoklardan paltar tikmişdi.

İndisə bu məhbus qızların ixtiyarında saç lakı, dodaq boyası, dırnaq lakı və digər gözəllik aksessuarları var.


Yuliya:
Yuliya müsabiqənin favoritlərindən sayılır.

Natalya Xapovaya 8 illik həbs cəzası verilib. İndi həbsxanadan çıxmağa onun 1 il yarımı qalır.

Yuliya Lutsaka narkotik alverinə görə 4 il cəza verilib. O ümid edir ki, qələbə qazansa, tezliklə həbsxananı tərk edəcək.

"Mən kompyuter kurslarına yazılmaq istəyirəm. Sonra isə uşaqlar evində işə düzəlmək."


Mənbə: BBC