Dequstasiya mütəxəssisi İlya Qort öz burnunu sığorta etdirib. Fransanın tanınmış çaxır bilicisi olan Qort tanınmış sığorta şirkətinə müraciət edərək ”çörək ağacı” hesab etdiyi burnunu 5 milyon məbləğində sığortalatdırıb. İlya bu yaxınlarda üzləşdiyi bir hadisədən sonra belə qərara gəlib. Qort xəbər tutub ki, ölkədəki tanınmış dequstatorlardan biri avtomobil qəzasına düşəndən sonra iybilmə qabiliyyətini itirib. Ona görə də İlya dərhal sığorta şirkətinə üz tutub. O, bir neçə bənd üzrə burnunu və iybilmə hissini sığortalatdırıb. Lakin şirkət də öz tələblərini irəli sürüb. Sığorta qurumu İlyanın bəzi peşələrlə məşğul olmasını qadağan edir. Məsələn, İlya sirkdə bıçaq atanların assistenti işləyə bilməz, həm də motosikletdə gəzə bilməz. Ona həmçinin boksla məşğul olmaq da qadağandır. 47 yaşlı İlya Qort Fransanın məşhur Bordo vilayətində şərab istehsal edən şirkətin rəhbəridir. O deyir ki, əgər iybilmə qabiliyyətini itirsə, var-dövləti də əlindən çıxar.





Mənbə: Gün səhər