İmamlara və ravvinlərə məktəblərə gələrək şagirdlərə dini təlim keçmək icazəsi verilməlidir. Bu bəyanatı İngiltərə müəllimlərinin liderləri - Milli Müəllimlər Birliyi (NUT) verib.
NUT deyib ki, bu, parçalanmış icmaların yenidən birləşdirilməsinə doğru bir yol olacaq.
Birlik hesab edir ki, əgər valideynlər məktəblərdə uşaqlarına öz dininin tədris edilməsini istəyirsə, buna nail olmağa haqları var.
Ancaq məktəblərdə müxtəlif dinlərin tədris olunması bəzi ərazilərdə icmaların parçalanmasına gətirib çıxarıb.
"Uşaqlara öz dininin tədris edilməsi imkanının yaradılması, dini məktəblərin açılması tələblərini azalda bilər".
Bu sözləri NUT baş katibi Steve Sinnott birliyin Mançesterdə keçirilən illik konfransında deyib.
Mənbə: BBC