
İndoneziyanın paytaxtı Cakartada atasına məxsus 10 min dolları götürərək evdən qaçan 9 yaşlı uşaq axtarışdadır. Sonuncu dəfə onu şəhərin ticarət mərkəzlərinin birində görüblər. Uşaq burdan oyuncaq və mobil telefon alıb. Amma bundan öncə o, mühafizəçilərdən 800 dolları İndoneziya rupilərinə dəyişməyi xahiş edib. Yerli mətbuatdan verilən məlumatlara əsasən, 9 yaşlı oğlanın evdən getməsinə anasının onu ev tapşırıqlarını yerinə yetirməməsinə görə cəzalandırması səbəb olub. Axtarışlar 5 gündür ki, davam edir. Ancaq hələ də nəticə əldə olunmayıb. Uşağın atası cinayətkarların oğlunda olan böyük məbləğ haqqında eşidərək ona xətər yetirmələrindən ehtiyatlanır.
Mənbə: Həftə içi