Xəsisliyin cəzası 124 min qızılgül oldu

İran sakini Henqame həddindən artıq xəsis olan əri Şahini məhkəməyə verərək, onun boynuna 124 min qırmızı qızılgül qoyub. 10 il ərzində həyat yoldaşının simicliyinə dözən Henqame qızılgülləri mükafat kimi istəyib. O hadisə haqqında açıqlamasında ərinin xəsisliyindən bezdiyini söyləyib: “Bız 10 il əvvəl evlənmişik. Ancaq tezliklə mən başa düşdüm ki, Şahin çox xəsisdir. Biz restorana gedəndə o, hətta mənim kofemin pulunu ödəməkdən imtina edirdi”.
Nəhayət ki, Henqame ərini cəzalandırmaq qərarına gəlir və evləndikləri vaxt gətirdiyi cehizin əvəzini ödəməyi tələb edir. İran qanunlarına əsasən, evli qadın istənilən vaxt ərindən öz cehizini geri ala bilər.
Şahinin arvadına verəcəyi 124 min qızılgülün dəyəri 200 min dollardır. Məhkəmədə o, qeyd edib ki, bütün ödənişi birdəfəlik edə bilməyəcək və gündə yalnız 5 qızılgül qaytaracaq. Məhkəmə, öz növbəsində, Şahinin 64 min dollar dəyərində olan evini müsadirə edib. O, arvadına 124 min qızılgül hədiyyə edənə qədər ev girov saxlanılacaq.


Mənbə: Zaman qəzeti