Cəmi bir yuxusuz gecə beyinin fəaliyyətində ciddi problemlər yarada bilər. Belədə diqqət və informasiyanı vizual qəbul etmək imkanları azalır. Pensilvaniya universitetinin əməkdaşları apardıqları eksperimentlər nəticəsində yuxusuzluqdan əziyyət çəkən insanlarda beyinin qeyri-ixtiyari diqqət funksiyalarını "söndürməsini" aşkarlayıblar. Bu hadisəni alimlər elektrik naqillərində cərəyanın qəfildən aşağı düşməsi ilə müqayisə edirlər. Yuxusuz qalan insanın beyin fəaliyyətindəki qüsurlar beyinin bəzi sahələrində qan dövranının ani dayanmasından irəli gəlir. Bütün bu faktlar dəqiq tomoqrafik araşdırmalar nəticəsində müəyyənləşdirilib. Mütəxəssislərin rəyinə əsasən, yuxusuzluq insanın yalnız səhhəti üçün deyil, təhlükəsizliyində də ciddi problemlər yarada bilər. Misal üçün, sükan arxasında olanların qısamüddətli diqqətsizliyi yol qəza hadisələrinə zəmin yaradır. Eyni sözləri yüksək diqqət tələb edən digər peşə sahibləri haqqında da demək mümkündür.


Mənbə: Həftə içi