Amerika alimlərinin tərtiblədikləri yeni proqram beyinin həyəcanlarını təyin edir və onları müxtəlif əşyaların qavranması və anlayışlarla uzlaşdırır. Bu isə gələcəkdə insanın fikirlərini "oxumağı" bacaran cihazın yaradılmasını mümkün edir. Son illər ərzində elektromaqnit tomoqrafiyası sahəsində aparılan tədqiqatlar beyinin bu və ya digər vəziyyətlərdə hansı sahələrinin daha fəal olduğunu müəyyənləşdirməyə imkan verib. Eksperimentlər isə ilk baxışdan çox sadədir. Belə ki, könüllülərə hər hansı bir əşyanın keyfiyyətləri haqqında düşünməyi xahiş edirlər. Bu zaman isə beyinin fəal olan sahələri ekranda aşkar görünür. Bütün bu məlumatları bir araya gətirən mütəxəssislər beyini müşahidə etməklə artıq iştirakçının fikirləri haqqında müəyyən mülahizələr yürüdə bilirlər.