İtaliya ordusunun Livornoda yerləşən Folqor briqadasının üzvləri tez-tez 77 yaşlı yaponiyalı qarı tərəfindən kötəklənirlər. "Samuray-nənə" ayaması verilən əlbəyaxa döyüş növləri üzrə mütəxəssis Keyko Vakabaişi komandanlıq tərəfindən yeniyetmə döyüşçülərin məşqləri üçün heyətə cəlb olunub. Boyu 1,5 metr təşkil etməsinə rəğmən qarı bəzən 2 metr ucalığında olan hərbçiləri asanlıqla kazarmanın döşəməsi üzərinə yıxır. Bundan sonra isə yaponiyalı əsgərlərə ibrətamiz sözlərlə müraciət etməyi sevir: "Düşünmə ki, həyatda belə şeylər olmur. Çünki boyun elə də böyük əhəmiyyəti yoxdur". Xanım Vakabaişi Yaponiyada dünyaya göz açsa da, artıq çoxdandır İtaliyanın şimalında yaşayır. Uzunmüddətli məşqlərdən sonra qadın ciu-citsu, ze-dzyusu, ken-dzyusu, kendo və karate üzrə yüksək peşəkarlığa malik ustaya çevrilib. Vakabaişinin rəyinə əsasən, Şərq əlbəyaxa döyüş növlərində tətbiq edilən təkbətək döyüş təlim üçün ən sərfəli üsuldur. Komandanlıq isə baş verənlərdən razılığını gizlətmir. İtaliyalı zabitlərin fikrincə, əsgərlərin mütəmadi olaraq yaponiyalı qarı tərəfindən döyülmələri və alçalmaları onlarda iradə möhkəmliyinə və döyüş sirlərini daha tez öyrənməyə həvəsi artıracaq.

Mənbə: Həftə içi