Şimali Koreyada depressiya ilə mübarizə aparanlar və ya həyatlarından bezib yeni həyata başlamaq istəyənlər üçün təşkil edilən "Yenidən doğuş" cənazə mərasimləri dəbə minib. Daha yaxşı gələcək istəyən koreyalılar "Koreya Layf Konsaltinq" adlı şirkətə gedərək özlərinə saxta cənazə mərasimi təşkil edirlər. Yenidən doğulmaq istəyən insan əvvəlcə gələcəklə bağlı diləklərini dilə gətirir. Yaxınlarına yazdığı vəsiyyətnaməni yüksək tonla oxuyur və tabutun içinə girir. Mərasimi təşkil edən şəxs isə cingiltili səsi ilə ayini gerçəkləşdirir və ardınca tabut bağlanılır. Bu ərəfədə "ölən" insan üçün göz yaşları axıdılır, "mərsiyələr" deyilir. 15 dəqiqədən sonra isə tabut açılır və həmin insanın yenidən doğuş ritualı tamamlanmış olur. Bu cür mərasimlərdə iştirak etmək istəyənlərdən təxminən 355 dollar alınır. "Saxta" cənazə mərasimi cəmiyyətin bir qismi tərəfindən "şarlatanlıq" və "başaldatma" kimi qəbul edilir. Ancaq bu metod sayəsində yenidən doğulduğuna inanan bir çox insan həyatında və işlərində daha çox uğur qazandığını iddia edir. 3 il ərzində 50 min insan özü üçün yenidən doğuş mərasimi keçirib. Hətta ölkənin ən böyük şirkətlərindən olan "Samsunq"un ötən il 900 işçisinin bu mərasimə göndərildiyi də məlumdur. Üstəlik, mərasim üçün lazım olan pulu şirkət özü ödəyib. Qumidəki "Samsunq" fabrikinin kadrlar şöbəsinin müdiri Kim Hi-Jin "yenidən doğulan" işçilərinin faydalılıq əmsalında böyük artımın olduğunu bildirib.



Mənbə: Həftə içi