QONŞUMUZDA ÇİÇƏK AÇDI

Qonşumuzda çiçək açdı,
Mən çiçəyə ürək açdım.
Böyüdü, üzümə durdu,
Başıma min kələk açdı

Tanımadı tanrısını,
Axtardığı yarısını,
Ürəyimin qapısını,
Dedi sən yox, külək açdı.

Bu ki, belə aşdı-daşdı,
Bir də baxdım gözü yaşdı
Soxulcanla qoşalaşdı,
Gül yerinə təzək açdı.

Indi nə küs, nə yan-tutuş,
Olacağı elə buymuş.
Əyri yolun yolçusuymuş,
Yollarını fələk açdı...

Raqif Raufoğlu