2042-ci ildə Amerikanın ağdərili sakinləri artıq ölkədə üstünlük təşkil etməyəcəklər. Daha öncə də mütəxəssislər belə bir proqnozlarla çıxış etmişdilər.
Amma o zaman söhbət 2050-ci ildən gedirdi. Əhalinin siyahıya alınması bürosunun verdiyi məlumatlara əsasən, doğumu, ölümü və miqrasiyanı nəzərə alaraq, 2050-ci ildə Latın Amerikasından olan amerikalıları ümumi əhalinin sayının 30 faizini təşkil edəcək. Hazırda isə onların payı 15 faizdir. Afroamerikalılar 15, asiyalılar isə 9 faiz təşkil edəcəklər. Ekspertlər bildiriblər ki, bu demoqrafik dəyişikliklər yalnız böyük şəhərlərdə deyil, ümumiyyətlə bütün ölkə ərazisində müşahidə olunacaq. Ağdərililərin yaş həddi də artacaq. Növbəti 40 ildə 85 yaşından yuxarı olanların sayı 3 dəfə çoxalacaq. Mütəxəssislər oxşar vəziyyətin tezliklə Böyük Britaniyada da yaranacağını deyirlər.




Mənbə: Həftə içi