Böyük Britaniyada aparılan tibbi araşdırmalar nəticəsində məlum olub ki, yerli əhali qəbul etdiyi şəkər, duz və yağın istifadəsi zamanı heç bir hədd gözləmir.
Milli Statistika Nazirliyinin Tibbi Araşdırmalar Mərkəzi ilə birgə həyata keçirdiyi tədqiqat nəticəsində krallıq ərazisində yaşayan hər 1000 nəfərdən yalnız 8-inin qəbul etdiyi qidanın tərkibində olan maddələrin dozasına məhəl qoyduğu aşkar edilib. Ümumdünya Səhiyyə Təşkilatı (ÜST) isə insanları qidalanarkən doymuş və doymamış yağların, meyvə və tərəvəzin, eləcə də duz və şəkərin miqdarına mütləq diqqət yetirmələri barəsində xəbərdar edir. BTT hər bir insanın gün ərzində 1 çay qaşığından artıq duz qəbul etməməyi və minimum 400 qram meyvə-tərəvəz yeməyi məsləhət görür. Böyük Britaniyada aparılan araşdırma nəticəsində o bəlli olub ki, krallıq əhalisi arasında qadınlar qidalanmalarına kişilərdən üç dəfə artıq fikir verirlər.



Mənbə: Həftə içi